美容院,美容課程,美容化妝品批發,護膚品,美容學校資訊

標題: 這間Clinic Legend 健匯醫療集團(旺角), $58團購價,有欺騙成份 [打印本頁]

作者: starbeauty2009 時間: 2012-2-6 12:21
標題: 這間Clinic Legend 健匯醫療集團(旺角), $58團購價,有欺騙成份
$58享受香薰/泰式草球/穴位全身按摩+身體護理療程(共80分鐘) ！或享受90分鐘面部護理！適用於Clinic Legend旺角及銅鑼灣店！可享用此優惠3次！(原價$1288)

http://www.jigocity.com.hk/hongk ... tm_campaign=timable

這間Clinic Legend 健匯醫療集團(旺角), 最近再次在"JIGO團體"推出一模一樣的優惠,連我上次中招的 "c) 無針破壁深層保水面部護理(約90分鐘) " 仍有出現, 唔知今次又有幾人多中招了, 有關我上次中招詳情, 請細閱以下:~~~~~~~

這間Clinic Legend 健匯醫療集團(旺角)我經團購網都有購買咗3張券, 因我想3種優惠都試齊咪買3張券, 今年1月3日第一次去到, 一入門口已經要收晒我3張券及要即時回覆佢3次做咩療程, 好彩我一早諗定做咩姐,否則都幾亂, 這樣令客人已有不太好印象了, 但這只是差勁的開始.......我第一次揀body按摩, 但佢間房無門的, 只有兩塊布向中間拉埋, 但兩邊有好多條空間望到入去, 咁同無拉簾有咩分別呢????好彩無男人在場姐, 否則咪望晒....,
完成咗第一次a) 穴位全身按摩(約60分鐘) 1次 + 頸部護理(約20分鐘) 雖然都到了佢哋收工時間但負責人黃小姐仍請我入另一間房不停叫我join plan,在我來說, 我仲有2次上嚟做不同facial, 都未試清楚當然唔會join 住啦, 更何況佢正價咁貴, 所以拒絶了及我要求book埋第2次時間,但佢睇都未睇已回覆我全個月好full無得book,但當日是3號(*優惠開始第一天)佢咁答令我好反感, 所以我好唔客氣逼佢當我面睇booking簿落咗booking;
1月14日第二次去我係揀"c) 無針破壁深層保水面部護理(約90分鐘) , 一開始美容師話我面乾及不停提議我加 $98 精華素便可做埋導入及送埋頸按摩, 在我而言, 我已揀無針facial都夠啦, 所以就拒絶加$98精華素了,但做完普通清潔後, 佢就幫我倒冷膜了, 當時我已覺得好奇怪, 只未用無針機做, 點解就倒膜呢???所以我就待美容師起膜時問佢,點解佢同我講佢哋無針不是用機的, 是用精華素用人手按摩........(*我心諗: 咁都得, 但在我了解無針是一部機, 不是用人手, 咁咪即係呃我), 本來心諗仲有第3次(最後一次券嚟,) 所以都忍佢, 算.....但點知佢又另我入負責人房, 那個黃小姐問我做成點, 唔問由自可, 一講就火都嚟, 我便直接同佢講無好失望,做用無針機幫我做, 但點知負責人黃小姐竟然話要加$98精華素才可做無針機, 咁我咪話團購網無寫, 咁有欺騙成份, 如你要加$98精華素才可做無針機的話, 點解唔寫可以憑券以優惠價加$98升級做無針機呢???咁咪即係呃人...佢見我不滿facial佢就叫我join body plan, 佢係咪傻嫁, 我閙緊你公司呃人, 你仲要我join另一d plan........好似一定要人放低錢join plan, 咁我都唔客氣, 雖然佢仍繼續講, 但我無理佢,自己簽完第二次完成個名就起身走了....其實去咗兩次body師和美容師的手勢都ok的,問題只是這間公司手法, 不過真係幾嬲!!!!!!!!!!!

歡迎光臨美容院,美容課程,美容化妝品批發,護膚品,美容學校資訊 (http://yesbeauty.com/)